Pazjenti bil-kanċer jistgħu jiġu mitluba jew jistgħu jkunu interessati li jipparteċipaw fi prova klinika.
Prova klinika tirrappreżenta forma ta’ riċerka mwettqa minn professjonisti tal-kura tas-saħħa u xjentisti bil-għan li jiġi evalwat jekk dijanjosi jew metodu ta’ trattament ġdid huwiex sikur għall-pazjenti u jistax itejjeb il-kundizzjoni tagħhom.
It-trattamenti li huma disponibbli bħalissa kienu parti minn provi kliniċi. Il-fuljett tal-EORTC dwar il-provi kliniċi joffri lill-pazjenti l-opportunità li jitgħallmu kunċetti bażiċi li għandhom x’jaqsmu mal-provi kliniċi u jistgħu jikkumplimentaw l-informazzjoni pprovduta mill-professjonisti tal-kura tas-saħħa.
