Tá sé mar aidhm ag feachtas feasachta sóisialta Youth Cancer Europe deireadh a chur leis an stiogma a bhaineann le diagnóis ailse i measc daoine óga. Fógraíodh an feachtas le heisiúint físeáin dar teideal #removelabels, ina gcoinníonn grúpa marthanóirí óga ailse suas comharthaí a bhfuil a ngairmeacha scríobtha amach orthu agus a gcuirtear a “lipéid ailse” féin i lár an aonaigh sula mbaintear iad chun cur i gcoinne na tuairime go sainmhíníonn ailse cé hiad féin.
Dúirt Šarūnas Narbutas, comhbhunaitheoir agus Cathaoirleach Youth Cancer Europe: “Tá teachtaireacht feasachta sóisialta ag baint lenár bhfeachtas #removelabels. Agus muid ag leanúint orainn ag troid ar leibhéal institiúideach ar son cáilíocht bheatha níos fearr d’othair óga agus do mharthanóirí, ní mór dúinn cuimhneamh go mbaineann go leor stiogma fós leis an bhfocal “ailse”, go háirithe i dtaca le daoine óga. Sin é an fáth go bhfuil sé tábhachtach a mheabhrú don tsochaí i gcoitinne gur mian le marthanóirí óga filleadh ar ghnáthshaol tar éis ailse. Ciallaíonn a dtodhchaí i bhfad níos mó dóibh ná diagnóis ailse, agus sin díreach mar is mian leo go bhfeicfeadh gach duine eile iad.”
“Ní mian le marthanóirí iad féin a aithint leis na lipéid a chuireann an tsochaí orthu”, a deir Katie Rizvi, POF agus comhbhunaitheoir Youth Cancer Europe. “Cosúil le haon duine fásta óg eile, is daoine iad a bhfuil a mbrionglóidí agus a n-uaillmhianta acu agus an saol iomlán rompu. Má chuirtear bac air sin de bharr stiogma, anuas ar na srianta atá ann cheana féin laistigh d’institiúidí poiblí agus príobháideacha, is ionann sin agus todhchaí níos gile a ghoid uathu. Ní mian leo a stair ailse a choinneáil faoi rún nuair a dhéanann siad iarratas ar phost nó nuair a bhuaileann siad le duine nua ar eagla go gcuirfí as an áireamh iad; ina ionad sin, is mian leo stop a chur le bheith á bhfeiceáil mar othair, agus go n-aithneofaí iad mar ghairmithe de bharr na gcáilíochtaí a fhágann gurb iad féin iad mar dhaoine aonair.”
